យោងតាមរូបភាព ដែលអង្គភាពយើងទទួលបាន ដោយការដ្ឋានខាងលើហ៊ុំពទ្ធ័សាងសង់សំណង់រឹង រំលោភចូលទន្លេបានដោយរលូត មិនដឹង ថាមានច្បាប់មកពីខាងណា ដែលអនុញ្ញាត ឲ្យធ្វើរបងនិងសំណង់រឹងចូលចំណីទន្លេ ដែលជារបស់រដ្ឋ ដោយមិនមានសមត្ថកិច្ច និងអាជ្ញាធរពាក់ព័ន្ធណា អើពើ បន្តិចសោះឡើយ ។
មហាជន និងអង្គការសង្គមស៊ីវិល រងចាំមើល ឯកឧត្តម គង់សោភ័ណ្ឌ អភិបាលនៃគណៈអភិបាលខេត្តកណ្ដាល លោក ចាន់ តារា អភិបាលនៃគណៈ អភិបាលក្រុងអរិយក្សត្រ លោក សុក កាន់ ណារិទ្ធ ប្រធានមន្ទីរដែនដីនគរមនីយកម្មនិងសំណង់ លោក កែវ ច័ន្ទរ៉ា ចៅសង្កាត់ព្រែកអំពិល មានវិធានការបែបណា ចំពោះម្ចាស់ទីតាំងខាងលើ ដែលហ៊ាន ធ្វើរបងហ៊ុមព័ទ្ធ និងសាងសង់សំណង់រឹង ដោយខុសច្បាប់ រំលោភចូលចំណីទន្លេ យ៉ាងគឃ្លើនបែបនេះ ។
ប្រហែលម្ចាស់សំណង់ខាងលើ មានលុយ មានអំណាច បុណ្យសក្តិ ទើបបានជាអជ្ញាធរក្នុងមូលដ្ឋាន មិនហ៊ានហាមឃាត់ទប់ស្កាត់ ឬក៏ ម្ចាស់ទីតាំងបិទមាត់អស់ហើយទេដឹង ។
ដោយម្ចាស់ទីតាំងខាងលើកំពុងនិងបំពានយ៉ាងធ្ងន់ធ្ងរ ពីអនុក្រឹត្យលេខ ៩៨ អនក្រ.ចុះថ្ងៃទី២៥ កក្កដា ឆ្នាំ២០១៥ ដែលចេញដោយរាជរដ្ឋាភិបាលកម្ពុជា ស្តីពីការគ្រប់គ្រងអាងទន្លេ ត្រង់ចំណុចជំពូក ៥ មាត្រា ៨ ។
ពាក់ព័ន្ធនឹងការចុះផ្សាយខាងលើ អង្គភាពយើងខ្ញុំ ធ្វើការផ្សាយទៅតាមវិជ្ជាជីវៈអ្នកសារពត៌មាន គឺរិះគន់ក្នុងន័យស្ថាបនា មិនមានចេតនាញុះញង់បំបែកបំបាក់បុគ្គលស្ថាប័ន ឬអង្គភាពណាមួយឡើយ ព្រមទាំងរង់ចាំទទួលការបកស្រាយ ពីភាគី ស្ថាប័នពាក់ព័ន្ធ រៀងរាល់ម៉ោងធ្វើការ ៕សូមអគុណ !
